കണ്ണൂർ DIG യതീഷ് ചന്ദ്ര സാറിനെ ഇന്ന് ഓഫീസിൽ എത്തി കണ്ട് സംസാരിച്ചു..!! കൂടിക്കാഴ്ചയിൽ, നാട്ടിൽ നടക്കുന്ന വിവിധ ചാരിറ്റി പ്രവർത്തനങ്ങൾക്കും അവയ്‌ക്ക് നേരിടുന്ന വെല്ലുവിളികൾക്കും സംബന്ധിച്ച വിഷയങ്ങൾ വിശദമായി ചര്‍ച്ചയായി. അമർഷാൻ നാട്ടിലെ അർഹതപ്പെട്ട കുടുംബങ്ങളിലേക്കുള്ള മെഡിക്കൽ സഹായങ്ങൾ, ഡയാലിസിസ് സേവനങ്ങൾ, ഫിസിയോതെറാപ്പി പിന്തുണ തുടങ്ങിയ സാമൂഹ്യ സേവന പ്രവർത്തനങ്ങൾ സംബന്ധിച്ച പ്രയാസങ്ങൾ പങ്കുവെച്ചു. ഡിഐജി യതീഷ് ചന്ദ്ര സാർ അതെല്ലാം ശ്രദ്ധാപൂർവ്വം കേട്ട്, പ്രായോഗിക പരിഹാരങ്ങളും വ്യക്തമായ മാർഗ്ഗനിർദ്ദേശങ്ങളും നൽകി മുന്നോട്ട് പോകാനുള്ള മാർഗങ്ങൾ സൂചിപ്പിച്ചു. സമൂഹത്തിന്റെ ആവശ്യമനുസരിച്ച് പ്രവർത്തിക്കുന്ന ഫൗണ്ടേഷന്റെ ആത്മാർത്ഥമായ പരിശ്രമങ്ങൾ അദ്ദേഹം പ്രശംസിക്കുകയും ചെയ്തു. ഫൗണ്ടേഷൻ ഇതുവരെ പൂർത്തിയാക്കിയതും നടന്നു കൊണ്ടിരിക്കുന്നതുമായ സാമൂഹ്യ സേവന പദ്ധതികളുടെ വിശദമായ പ്രൊഫൈൽ അദ്ദേഹത്തിന് ഈ സന്ദർശനത്തിൽ കൈമാറി. “ചാരിറ്റി എന്നത് ഈ നാട്ടിൽ എന്നും നിലനിൽക്കണം. അർഹതപ്പെട്ട കുടുംബങ്ങളിലെ പാവപ്പെട്ട രോഗികൾക്ക് വേണ്ടിയുള്ള സേവനമാണ് നമ്മുടെ ലക്ഷ്യം. സഹകരണം, കരുണ, മനുഷ്യത്വം — ഇതാണ് നമ്മുടെ പ്രവർത്തനത്തിന്റെ അടിസ്ഥാനം.”